Публикации » Сипленме янă

22 сентября 2010 г.

Район сучĕ çак кунсенче Аслă Пăла Тимешри Çветтуй архиерей Микулай чиркĕвĕн пачăшкине Анатолий Сорокин протоиерее вăрттăн ăсталанă пăшалтан персе вĕлернĕ Алексей Григорьев (Канаш районĕнчи Сухайкассинчен) ĕçне пăхса тухнă. Суд ĕçне Елчĕк район прокурорĕ те хутшăннă. Суд А.Григорьев Раççей Федерацийĕн Уголовнăй кодексĕн 105 статйин 1 пайĕпе, 222 статйин 1 пайĕпе, 223 статйин 1 пайĕпе, 222 статйин 1 пайĕпе айăпланă. Судпа психиатри экспертизи А.Григорьев преступлени тунă тапхăрта та, паянхи кун та вăраха кайнă психика чирĕпе аптранине çирĕплетнине тĕпе хунă май район сучĕ А.Григорьева уголовнăй айăплавран хăтарса ăна ирĕксĕрлесе сиплес тĕллевпе психиатри стационарне яма йышăну кăларнă.