Публикации » "Асăрханăр, ачасем"

18 сентября 2010 г.

Пирĕн шкулта вĕренекенсем "Асăрханăр, ачасем" уйăхлăха хаваспах хутшăнчĕç. Пире вĕрентекенсем шкулта вĕреннĕ, килте ĕçленĕ вăхăтра та, çул çинче çуран çỹренĕ чухне те асăрханса çỹремелли çинчен тĕплĕ ăнлантарсах тăраççĕ. Унсăр пуçне çак темăпа йĕркеленĕ мероприятисене хутшăнтăмăр. Кĕçĕн класра вĕренекенсем хушшинче "Усăллă паллăсем" викторина интереслĕ иртрĕ. Вĕсем "Хамăр урама сыхлар тата тирпейлĕ тытар" ỹкер-чĕксем туса ăмăртрĕç. Аслă классем хушшинче "Çул çинчи кирлĕ паллăсем" вăййа та пурте хутшăнчĕç. Чăваш тата вырăс чĕлхисен урокĕсенче "Çул çинчи йĕркелĕхе пăхăнасси" темăсемпе диктант çыртăмăр. "Транспорт çинче хамăра мĕнле тытмалла" калаçусем те пирĕншĕн усăллă пулчĕç.