Публикации » Спартакиадăра ултă команда тупăшрĕ

18 сентября 2010 г.

Кăнтăр районĕсенчи хаçат редакцийĕсем хушшинче спартакиада кăçал Йĕпреçри "Патвар" спорт комплексĕнче иртрĕ. Йĕпреçе республикăри ултă районти хаçат ĕçченĕсем пуçтарăнчĕç. Тĕрлĕ енлĕ тупăшусенче вăй виçрĕç хаçатçăсем. Кашни ăмăртăвах хастар хутшăннă Елена Петрова корреспондент, Илья Митрофанов тĕп бухгалтер район хаçачĕн чысне тивĕçлипе хỹтĕлерĕç. Дартс вăййинче Е.Петрова пĕрремĕш, алă вăйĕ виçессипе И.Митрофанов иккĕмĕш вырăнсене йышăнчĕç. Канат туртассипе, мини-футболла выляссипе команда виççĕмĕш тухрĕ. Тăтăшах сĕтел хушшинче çырса ларма кăна пĕлмелле мар паян, спортпа та туслă пулмалла. Ĕçтешсемпе тĕл пулса канашласа пĕр-пĕрин опычĕпе паллашни те питĕ вырăнлă. Çакна çирĕплетсе çитес çул журналистсен спартакиадине Вăрнарта ирттерме йышăнчĕç.