Публикации » Хаксене тĕрĕслесе тăраççĕ

11 сентября 2010 г.

Ытти çĕрти пекех, районти суту-илỹ точкисенче те халăха чи кирлĕ апат-çимĕç продукчĕсен хакĕсене тупăш илес тĕллевпе сăлтавсăр ỹстерсе янă, муниципалитет учрежденийĕсем апат-çимĕç продукчĕсене пасар ха-кĕнчен пысăкрах хакпа туяннă тĕслĕхсем тĕл пулаççĕ. Çакна шута илсе район пуçлăхĕ Н.Миллин район администрацийĕн экономикăпа пурлăх хутшăнăвĕсен пайне кашни эрнере халăха чи кирлĕ тĕп апат-çимĕç продукчĕсен хакĕсене тишкерсе хак пама хушнă. Çавăн пекех район пуçлăхĕн тепĕр йышăнăвĕпе тĕп апат-çимĕç продукчĕсен хакĕсене сăлтавсăр, никĕслемесĕр ỹстерсе янине пỹлес тĕллевпе районта ĕçлĕ ушкăн туса хунă. Ăна район пуçлăхĕн çумĕ Л.Левый ертсе пырать. Ĕçлĕ ушкăн суту-илỹ точкисенче сутакан апат-çимĕç хакĕсене тишкерет, сывлăха сыхлас, вĕрентỹ учрежденийĕсен нушисем валли туянакан продуктсен хакĕсем рынокри хаксемпе килĕшсе тăнине е уйрăмлăхне тĕрĕслет. Унăн ĕçĕ-хĕлĕ пирки хаçатра çутатсах тăрăпăр. Ĕçлĕ ушкăнăн пĕрремĕш тĕрĕслевĕ "Районти тĕп больница" муниципаллă сывлăх учрежденийĕнче пуçланнă. Маларах район пуçлăхĕ тĕп больницăн тĕп врачĕ Л.Клементьева хăйне ĕçрен хăтарма ыйтнине тивĕçтернĕ.