Публикации » Тумалли тупăнсах тăрать

28 августа 2010 г.

Культура объекчĕсене çĕнетесси Чăваш Республикин Президенчĕн "Чăваш Республикинчи ялти культура учрежденийĕсене аталантарасси çинчен" Указĕпе килĕшỹллĕн пырать. Пирĕн районти Курнавăшри, Елчĕкри, Патреккелĕнчи кану çурчĕсем хальхи йышши оборудованипе пуянланчĕç. Çапах та тумалли ĕçсем тупăнсах пыраççĕ. Акă, Елчĕкри культурăпа кану центрĕнче пушар хăрушсăрлăх техникин ыйтăвĕсене пурнăçласа тĕрлĕ ĕçсем туса ирттернĕ. Культура çуртне шыв кĕртме 90 пин тенкĕ тăкакланă. Çавăн пекех пушар хăрушлăхне чакарас тĕллевпе йывăçран тунă конструкцисене ятарлă шĕвекпе сĕрнĕ - кунта 50 пин тенкĕ кайнă. 5 пин тенкĕлĕх вут-çулăм тухнине пĕлтерекен сигнализаци оборудованине вырнаçтарнă.