Публикации » Пулăшу аллине тăсса

28 августа 2010 г.

Çуллахи шăрăх вăхăтра Раççейĕн чылай регионĕнчи вăрмансенче алхаснă "хĕрлĕ автан" нумай çынна ĕмĕрĕпе пухнă пурлăхĕпе кил-çурчĕсĕр тăратса хăварчĕ. Раççей Федерацийĕн Президенчĕпе Раççей Федерацийĕн Общество палатин пуçарăвне ырласа Раççей ял хуçалăх банкĕн Чăваш регионĕнчи филиалĕн сотрудникĕсем хăйсен пĕр кунхи шалăвне инкек тỹснисем валли уйăрнă. Нушана лекнисене пулăшас текен кашни çын асăннă филиалпа унăн республика территорийĕнче вырнаçнă 21 хушма офисĕ урлă укçа-тенкĕ уйăрма пултарать (банк комиссишĕн укçа-тенкĕ тытмасть). Раççей ял хуçалăх банкĕ çавăн пекех пушар хыççăн йывăр лару-тăрăва лекнисене пулăшас кăмăллă тĕрлĕ организацин ыйтăвне тивĕçтерсе тỹлевсĕр счет уçать.