Публикации » Уйăхлăха хутшăнаççĕ

28 августа 2010 г.

Район пуçлăхĕн Н.Миллинăн йышăнăвĕпе килĕшỹллĕн, çурла уйăхĕн 20-мĕшĕнчен пуçласа авăн уйăхĕн 20-мĕшĕччен районта иртекен "Ачасен хăрушсăрлăхĕшĕн" уйăхлăха хутшăнса Кушкă шкулĕнчи вĕренекенсенчен йĕркеленнĕ "Çамрăк инспекторсем" отряд ачасене çул-йĕр йĕркисемпе паллаштарас тĕллевпе пропаганда ĕçĕсем пурнăçлать. Отряд членĕсем "Çул çỹремелли йĕркесене асрах тытăр" ятпа спектакль хатĕрленĕ, "Эпĕ тата манăн юлташсем" ăмăрту тата тĕрлĕ викторинăсем йĕркеленĕ, ятарлă листовкăсем кăларнă. Асăннă шкулти çамрăк инспекторсем районта иртекен "Асăрханăр, ачасем" профилактика операцине те хастар хутшăнаççĕ, уроксем хыççăн çулсем хĕресленекен вырăнсенче ятарлă дежурство йĕркелеççĕ.