Публикации » Тăрăмсем çĕнтернĕ

18 августа 2010 г.

Физкультурник кунне халалласа тата пурнăçран вăхăтсăр уйрăлса кайнă В.Архипова асăнса ра-йон центрĕнчи тĕп стадионта мини-футбол енĕпе турнир иртнĕ. Унта 6 команда хутшăннă. Командăсем 2 ушкăна пайланса вылянă. Пĕрремĕшĕнче Елчĕкри пĕрремĕш, Кавал, Кĕçĕн Таяпа ялĕсен, иккĕмĕшĕнче Елчĕкри иккĕмĕш, Шупашкарти "Славяне", Тăрăм ялĕн командисем пĕр-пĕринпе тĕл пулса вылянă. Финалта Тăрăм ялĕпе Шупашкарти "Славяне" командăсем тĕл пулнă. Вăйă çивĕч иртнĕ - çĕнтерỹçĕне тĕп вăхăтра палăртайман. Пенальти тапассипе Тăрăмсем ăстарах пулни палăрнă. Вĕсем кубока тата турнирăн тĕп парнине - така çĕнсе илнĕ. Виççĕмĕш вырăнта - Кĕçĕн Таяпасем.