Публикации » Кỹлĕ чаваççĕ

07 августа 2010 г.

Кăçал çанталăк типĕ те шăрăх тăнине пула кỹлĕсемпе пĕвесем пĕрин хыççăн тепри типсе пыраççĕ. Хальхи вăхăтра республикăра чылай çĕрте типнĕ пĕвесемпе кỹлĕсене тасатасси вăй илсе пырать. Çирĕклĕ Шăхалĕнче те çак ĕçе пуçăннă. Шăрăх çанталăкра çывăхра кỹлĕ пурри çынсемшĕн те, выльăхсемшĕн те чăн-чăн çăлăнăç пулнине тĕпе хурса кунта пурăнакансем ял варринчи типнĕ кỹлле тасатрĕç, ун хыççăн ăна çĕнĕрен чавма тытăнчĕç. Кỹлĕ йĕри-таврашне тирпей-илем кĕртеççĕ. Кỹлĕрен чавса кăларакан тăпрапа ял хушшинчи Аслă урама тикĕслесе якатаççĕ. Ял çыннисем хăйсен ĕçĕпе кăмăллă.