Публикации » Ентеш-юрăçсем - Аслă Таяпара

07 августа 2010 г.

Çанталăк шăрăххине пăхмасăр Аслă Таяпасем Иллен кунĕнче ялти культура çуртне пуçтарăнчĕç. Çак кун кашни çулах ял çыннисене уяв йĕркелесе парас тесе тăрăшать Юрий Сапожников. Хулара пурăнаканскер, ĕççине пĕтернĕ ентешĕсем хаваслă та илемлĕ юрăсем итлесе канччăр тесе тимлет. Хальхинче концерт спонсорĕ хамăр ентеш-юрăçсене илсе килнĕ. Чăваш эстрада çăлтăрĕсем Алексейпе Андрей Шадриковсем, Сергей Павлов, Петр Ермолаев, Света Яковлева чăваш юррисене çепĕççĕн шăрантарчĕç. Уява килнĕ артистсене, ырă кăмăллă ентешне Аслă Таяпа ял тăрăхĕ В.Малов тата культура çурчĕн директорĕ А.Павлова тав турĕç. Концерт хыççăн ял çыннисем пурте килелле хавас кăмăлпа утрĕç.