04 августа 2010 г.
Елчĕкри муниципаллă юсавпа техника предприятийĕн тата Елчĕкри газ участокĕн специалисчĕсем хальхи вăхăтра район центрĕнчи нумай хваттерлĕ çуртсене çут çанталăк газĕпе хутса ăшăтмалла тăвассипе - монтаж ĕçĕсене пурнăçлассипе тимлеççĕ. "Чувашсетьгаз" ОООн Канашри филиалĕн Олег Вишнев прораб ертсе пыракан специалисчĕсем вара Андреев тата Октябрь урамĕсене хушма газ пăрăхĕсем хыврĕç. Халĕ вĕсем кунта çут çанталăк газне парса тăрассине кирлĕ шайра йĕркелесе тăма май паракан ятарлă шкапсем вырнаçтараççĕ. Нумай хваттерлĕ çуртсене "кăвак çулăмпа" хутса ăшăтмалла тăвас ĕçе авăн уйăхĕн 1-мĕшĕ тĕлне вĕçлеме палăртнă.
Сăн ỹкерчĕкре: район администрацийĕн строительство, пурăнмалли çуртсемпе коммуналлă хуçалăх пайĕн ертỹçи И.Кузнецов, "Чувашсетьгаз" ОООн Канашри филиалĕн прорабĕ О.Вишнев тата Елчĕкри газ участокĕн мастерĕ Ю.Петров палăртнă обьектра ĕçсем мĕнле пурнăçланнипе кăсăкланаççĕ.