31 июля 2010 г.
Енчен те эсир паян профессин пуçламăш, вăтам тата аслă вĕренỹ заведенийĕсенчен вĕренсе тухрăр, ĕç шыратăр - пăшăрханма кирлех мар, тỹрех районти ĕçпе тивĕçтерекен центра васкамалла. Чăваш Республикинчи ĕç рынокĕнчи лару-тăрăва лайăхлатас тĕллевпе йышăннă тĕллевлĕ программăпа килĕшỹллĕн сире стажировка кĕтет. Ултă уйăхра хăвăра лайăх енчен кăтартсан малашне предприятин кадрсен резервне кĕме те пултаратăр. Опыт пуçтарас текенсене акционерсен "Прогресс" хупă обществи, "Комбайн" ЯХПК, "Елчĕкри сыр завочĕ", "Кирпич" сахал яваплă юлташлăхсем, А.Головин, Н.Бикулов хресчен (фермер) хуçалăхĕсем, "Правовая консультация" ООО тата ыттисем кĕтеççĕ. Тĕплĕнрех 2-51-67 номерлĕ телефонпа ыйтса пĕлме пултаратăр.