Публикации » Чи пысăк тупра - сывлăх

31 июля 2010 г.

"И, мĕн пуян, тăванăм, сывлăх пуян. Сывлăх çул памасăр ăçта каян?" Чăннипех те Митта Ваçлейĕн сăмахĕсемпе килĕшес килет. Нумаях пулмасть Чăваш Ен Президенчĕ Н.Федоров сусăр çынсен пурнăçне çăмăллатас, вĕсене май килнĕ таран пулăшас, сывлăхĕсене çирĕплетес тĕллевпе тăрăшакан ятарлă канаш туса хунă. Вăл сĕннипе инвалидсем хушшинче тĕрлĕрен ăмăртусем йĕркелеççĕ. Сусăрланнă çынсемпе йĕркеленĕ спорт ăмăртăвĕ малтанах Ел-чĕкри "Улăп" спорт комплексĕнче иртрĕ. Елчĕк район чысне хỹтĕлекенсем маттур пулчĕç. Хăвăлçырмари А.Иванова дартс вăййинче пĕрремĕш вырăна тухрĕ. Лаш Таяпари А.Львов сĕтел çи теннисла выляма ăста пулни курăнчĕ. Вăл хăнара иккĕмĕш приза çĕнсе илчĕ. Елчĕкри П.Иванов пауэрлифтинг вăййинче виççĕмĕш вырăна тивĕçрĕ. Ăмăртăва Курнавăшри А.Мясников та пырса курчĕ. Инвалидсем хăйсене манманшăн савăннине пытармарĕç. Ăмăртуран тулли кăмăлпа таврăнчĕç.