Публикации » Шкапсенче ан выртчăр

31 июля 2010 г.

 "Ачана шкула хатĕрлер" ыр кăмăллăх акцийĕ çурла уйăхĕн 31-мĕшĕччен тăсăлать. Халăхăн социаллă ыйтăвĕсене тивĕçтерекен центр сахал тупăшлă çемьесене, тăлăхсене, сусăрсене пулăшас тĕллевпе тĕрлĕ мероприятисем йĕркелет. Маларах асăннă акци - вĕсенчен пĕри. Часах çĕнĕ вĕренỹ çулĕ пуçланать. Шкул парти хушшине ларакан мĕн пур ача, мĕнле çемьере çитĕннине пăхмасăр, капăр тумсемпе шкула чуптăр. Çавăнпа та шкула кирлĕ хатĕрсем пуçтарса вĕсене тăлăхсемпе сусăрсене валеçсе парасшăн. Ыр кăмăллăх акцинчен никам та пăрăнса юлмĕ. Çĕннине илсе параймасан та хамăр ачасем çитĕннĕ шкул формисем шкапсенче усăсăр, типтерлĕн çакăнса тăраççĕ. Вĕсене сахал тупăшлă çемьесенче çитĕнекен ачасем савăнсах тăхăнĕç. Хăйсене ахаль те ыттисенчен раснарах тытма тăрăшакансемпе тĕл пулса калаçни, кăштах та пулин пулăшу аллине тăсни савăнăç кỹрĕ.