Публикации » Выставка ĕçлет

31 июля 2010 г.

Районти тĕп библиотекăра Шăмалак ялĕнчи Никита Усановăн "Чăвашла çырнă юратнă кĕнеке" ỹкерчĕксен выставки ĕçлет. Чăваш кĕнеке издательстви пуçарнипе йĕркеленĕ ăна. Республикăри ачасем хушшинче йĕркелекен конкурсăн тĕп тĕллевĕ - ачасемпе çамрăксене чăваш чĕлхине, литературине тата культурине, тăван ене юратма вĕрентесси тата пĕчĕк чухнех ачасен пултарулăхне уçма пулăшасси. Конкурса районти ялсенчи 6 çултан пуçласа 17 çулхи вулакансем "Манăн юратнă кĕтес", "Манăн юратнă библиотека", "Манăн юратнă герой" номинацисемпе хутшăнма пултараççĕ. Пурне те выставкăна чĕнетпĕр. Эсир К.Ивановăн "Нарспи" поэминчи сăнарсемпе тĕплĕн паллашма пултаратăр.