07 июля 2010 г.
"Сакăр вунна çитмесĕр те алла туя тытмастпăр", _ тесе юрлать Е.Иовлева юрăç. Чăн та, туя тытмаççĕ те пулĕ Çирĕклĕ Шăхаль ялĕнчи Юбилей урамĕнче пурăнакан пенсионерсем _ Маруç аппа, Римма аппа тата манăн анне. Уйрăлайми туссем час-часах пĕрле пухăнса кроссворд тупаççĕ, хаçат-журналпа паллашаççĕ. "Елчĕк ен" хаçата вара уйрăмах кăмăлласа вулаççĕ. Е.Баринова, Р.Федорова, М.Карчикова ĕçре те харсăр. Çурт çумĕсене типтерлĕ тытнисĕр пуçне çывăхри çырмана та тасатсах тăраççĕ. Канăçсăр чунлăскерсем çырма ишĕлсе пынăшăн та пăшăрханаççĕ. "Ăста специалист, ятарлă техника пулсан çырмана ишĕлме чарма та пулать-çке те", _ теççĕ вĕсем шухăшлăн.