Публикации » Ăса кĕмен

26 июня 2010 г.

34 çулхи Н. Кармалта пурăнакан А.-на хĕненĕшĕн маларах, кăçалхи пуш уйăхĕнче, суд тенкелĕ çине ларнă. Елчĕк районĕнчи 1-мĕш номерлĕ миравай суд ăна тивĕçлĕ айăплав парса йышăну кăларнă. Çапах та Н.-а çакă ăса кĕртеймен ахăр. 2010 çулхи çу уйăхĕн 28-мĕшĕнче 20 сехет те 30 минут тĕлĕнче ỹсĕрле вăл каллех А.-па хирĕçỹ пуçарнă. Хĕрарăмран кĕвĕçни харкашăвăн тĕп сăлтавĕ пулнă. Хальхинче Н. А.-на пĕлсе тăрсах вĕлерес тĕллевпе йĕптĕрпе хырăмĕнчен чикнĕ. А.-н тăванĕсем хутшăннăран усал çын преступление вĕçне çитереймен, хĕрарăма вăхăтра медицина пулăшăвĕ пани унăн пурнăçне çăлса хăварнă. Н. тĕлĕшĕпе Раççей Федерацийĕн Уголовнăй кодексĕн 105 статйин _ 1, 30 статйин 3 пайĕсемпе килĕшỹллĕн уголовнăй ĕç пуçарнă. Пĕлсе тăрсах теприн пурнăçне татма хăтланнă Н.-а тивĕçлĕ айăплав кĕтет.