Публикации » Криминаллă хроника

23 июня 2010 г.

Çĕртме уйăхĕн 7_13-мĕшĕсенче район территорийĕнче йĕркене пăхăнманшăн 63 çынна административлă майпа явап тыттарнă. Çав шутран хулиганла пĕчĕк ĕçсемшĕн _ 3, обществăлла вырăнта ỹсĕр çỹренĕшĕн _ 6, çул-йĕр правилисене пăхăнманшăн _47 (2 водитель руль умне ỹсĕрле ларнă), суту-илỹ йĕркине пăснăшăн _ 1, административлă ытти йĕркене пăхăнманшăн 6 çынна айăпланă. Çĕртме уйăхĕн 8-мĕшĕнче Аслă Елчĕкри Н. пуш уйăхĕн 30-мĕшĕнче хăйĕн мăшăрне хĕненине регистрациленĕ. Çĕртме уйăхĕн 9-мĕшĕнче 22 сехет те 40 минут тĕлĕнче Çуткỹлти М. П.-н çуртне саккунсăр майпа кĕрсе кил хуçине хĕнесе пĕтернĕ. Асăннă фактсемпе тĕрĕслев материалĕсем пухаççĕ. Çĕртме уйăхĕн 5-мĕшĕнче Тỹскелте пурăнакан Т. килĕнчен тухса кайнă та таврăнман. Çĕртме уйăхĕн 8-мĕшĕнче "Мир" ЯХПКн малтанхи председателĕ В. должность полномочийĕсемпе иртĕхсе усă курнине регистрациленĕ. Çĕртме уйăхĕн 10-мĕшĕнче Яманчỹрелти В. 2009 çулхи чỹк уйăхĕн 27-мĕшĕнче суя документсемпе усă курса "Россельхозбанк" ОАОран килти хушма хуçалăха аталантарма паракан 300 пин тенкĕлĕх кредит илнине палăртнă. Асăннă фактсемпе материалсене ШĔМĕн экономика преступленийĕсемпе кĕрешекен Комсомольски районĕнчи уйрăмне ярса панă.