19 июня 2010 г.
Республика кунне халалласа йĕркеленĕ, тĕрлĕ халăха çывăхлатакан "Раççей çăл куçĕсем" фестиваль кăçал саккăрмĕш хут иртет. Фестиваль программи çулсерен пуянланса, унта хутшăнакансен йышĕ ỹссех пырать. Палăртнă тапхăрта тĕрлĕ çĕр-шывсенчен килсе çитнĕ артистсем республикăри кашни хулапа районта пулса хăйсен пултарулăхĕпе паллаштараççĕ. Виçĕм çул фестиваль программипе килĕшỹллĕн пирĕн района Раççей халăх артистки Надежда Бабкина тата вăл ертсе пыракан "Русская песня" ансамбль, иртнĕ çул Намибири пултарулăх ăстисем килнĕ пулсан, кăçал Республика кунĕ умĕн, çĕртме уйăхĕн 22-мĕшĕнче, Елчĕксем Бельгири "ВЛИР" фольклор коллективĕн, Болгарири Янка Рупкина юрăçăн пултарулăхĕпе паллашма пултарĕç. Уяв концерчĕ тĕп стадионта каçхине 19 сехетре пуçланать.