Публикации » Криминаллă хроника

02 июня 2010 г.

Çу уйăхĕн 17-23-мĕшĕсенче Елчĕк район территорийĕнче административлă право йĕркине пăснă 54 çынна тытса чарнă. Вĕсенчен 2 çынна хулиганла пĕчĕк ĕçсемшĕн, обществăлла вырăнта ỹсĕр çỹренĕшĕн _ 4, çул-йĕр правилисене пăхăнмашăн _ 46 (2 водитель руль умне ỹсĕрле ларнă), административлă ытти йĕркене пăснăшăн 2 çынна явап тыттарнă. Хĕненĕ: Çу уйăхĕн 23-мĕшĕнче Таяпа Энтринче пурăнакан Ж. тата П. пĕр ялти П.-на хĕнесе пĕтернĕ. Асăннă фактпа тĕрĕслев материалĕсем пухаççĕ. Тĕрлĕрен: Çу уйăхĕн 17-мĕшĕнче 18 сехет тĕлĕнче Çуткỹлĕнчи Н. хуçалăхĕнче пушар тухнă. Асăннă фактпа тĕрĕслев материалне Елчĕкри 44-мĕш номерлĕ пушар хурал чаçне ярса панă. Çак кунах Елчĕкри тĕп больницăна эмелпе наркăмăшланнă С.-на (1990 çулта çуралнă) илсе пынă. Асăннă фактпа тĕрĕслев материалне район прокуратурине ярса панă. Çу уйăхĕн 20-мĕшĕнче 12 сехет те 35 минут тĕлĕнче ГИБДД уйрăмĕн пропаганда енĕпе ĕçлекен инспекторĕ Аслă Пăла Тимеш ялĕнче хăвăртлăха виçерен ытла ỹстернĕ УАЗ-Патриот автомашинăна чарнă. Автомашина водителĕ А. (Патăрьел районĕнчи Шăнкăртам ялĕнчен) протокол çырасран хăтăлас тĕллевпе ин-спектора 500 тенкĕ взятка сĕннĕ. Асăннă фактпа тĕрĕслев материалне ШĔМĕн Комсомольскинчи экономика преступленийĕсемпе кĕрешекен оперативлă шырав пайне ярса панă.