Публикации » "Асăрханăр, ачасем"

29 мая 2010 г.

Çуллахи каникул вăхăтĕнче ачасене çул-йĕр çинче пулакан тĕрлĕ инкексенчен асăрхаттарас тĕллевпе кăçалхи çу уйăхĕн 17-мĕшĕнчен пуçласа çĕртме уйăхĕн 13-мĕшĕччен районта "Асăрханăр, ачасем" операци иртет. Çак операци вăхăтĕнче ГИБДДн районти ĕçченĕсем, ача сачĕсемпе вĕрентỹ учрежденийĕсенче, çуллахи вăхăтра йĕркеленекен сывату лагерĕсенче пулса, ачасене çул-йĕр правилисене вĕрентес, вĕсен тимлĕхне ỹстерес тĕллевпе тĕрлĕ мероприятисем йĕркелеме палăртнă. ГИБДД ĕçченĕсем ашшĕ-амăшне 16 çула çитиччен ачисене скутерсемпе çỹреме ирĕк памалла марри пирки уйрăмах асăрхаттараççĕ. Мĕншĕн тесен республикăра çак транспорт хатĕрне пула çул çитмен ачасем инкек тỹснĕ сахал мар тĕслĕх регистрациленĕ.