Публикации » Кушкăсем - Раççей призерĕсем

19 мая 2010 г.

Кушкăри пĕтĕмĕшле пĕлỹ паракан вăтам шкул вĕренекенĕсем республикăри тата Пĕтĕм Раççейри тĕрлĕрен конкурссене хутшăнаççĕ. Раççей çамрăкĕсен филологи чемпионатĕнче вĕсем пысăк кăтартусем тунă. Айсылу Сунгатуллина (9кл.) регионта пĕрремĕш вырăн çĕнсе илнĕ. Çавăн пекех А.Портнов (10 кл.), Алиса Баскакова пысăк кăтартусемпе палăрнă. Вĕсене вырăс чĕлхипе литературине вĕрентекен М.Портнова ертсе пынă. 4-мĕш класра вĕренекен Николай Мышкин та регионта виççĕмĕш вырăна тухнă. Унăн руководителĕ _ Г.Жилина. Çĕнтерỹçĕсемпе призерсене дипломсемпе тата хаклă парнесемпе чысланă. Маларах асăннă педагогсене те дипломсем парса чыс тунă.