15 мая 2010 г.
Çĕнĕ Пăвара Таса Турă амăшĕн Пукрав ячĕллĕ часавайĕ уçăлнă. Çак ятпа йĕркеленĕ уявра Анатолий атте, Петр атте, район пуçлăхĕ Н.Миллин, Курнавăш ял тăрăхĕн пуçлăхĕ В.Кузьмин, ЗАО НПО "Промсервис" предприятин генеральнăй директорĕ Ю.Титов тухса калаçнă. ЗАО НПО "Промсервис" предприяти (генеральнăй директорĕ Ю.Титов), "Чувашагролизинг" предприяти (ертỹçи А.Ласточкин), "Сатурн" ЯХПК (Ю.Викентьев), "Колос" ЯХПК (А.Зайцев) унти строительство ĕçĕсене пурнăçлама нумай укçа-тенкĕ парса пулăшнă. Часавая хăпартнă çĕрте ялти çынсем _ А.Крысовпа С.Егоров, Г.Васильевпа В.Курчин, С.Смолинпа В.Мышкин, Л.Максимов каменщиксем тăрăшса вăй хунă. Спонсор пулăшăвĕ кỹнĕ ертỹçĕсемпе пархатарлă ĕçе хăйсен ирĕкĕпе хутшăннă çынсене пĕтĕм ял-йыш тав тăвать.