Публикации » Тав сăмахне тивĕçлĕ

12 мая 2010 г.

 Алла медицина сестрин дипломне илнĕ хыççăнах района ĕçлеме килнĕ Светлана Миллина. Унтанпа сисĕнмесĕрех виçĕ теçетке çул хыçа юлнă. Малтанах Светлана Николаевна районти тĕп больницăн терапи уйрăмĕнче выртса сипленекенсене сыватассишĕн тăрăшрĕ. Юлашки çулсенче вара терапи кабинечĕн медицина сестрин тивĕçĕсене тỹрĕ кăмăлпа пурнăçласа пырать. Пĕрремĕш категориллĕ медсестра кирек хăш кабинетри сестрана та улăштарма пултарать. Процедура кабинетĕнче ĕçленĕ вăхăтра ун патне укол тутарма е юн илтерме пынă çынсем кăмăллă пулнине палăртаççĕ. Хăйĕн ĕçне чăннипех те юратса пурнăçлать Светлана Николаевна. Çавăнпа та ăна пĕрле ĕçлекенсем те, чирлисем те ăшă сăмахпа кăна аса илеççĕ.