Публикации » Ертỹçĕне дисквалификациленĕ

12 мая 2010 г.

Район прокуратури "Родник"агрофирма" ОООра ĕçлев саккунĕсене мĕнле пăхăннине тĕрĕсленĕ, пĕрлешỹре Раççей Федерацийĕн Конституцийĕн 37 статйин 3 пайне тата Раççей Федерацийĕн Ĕçлев кодексĕн 136 стат-йин 6 пайне пăхăнманнине тупса палăртнă. Ака уйăхĕн 1-мĕшĕ тĕлне "Родник" агрофирма" ОООн ĕç çыннисен умĕнчи парăмĕ 420 пин те 680 тенкĕпе танлашнă. Ертỹçĕ 42 ĕç çыннине ĕç укçине туллин тỹлемесĕр 2009 çулхи раштав, кăçалхи кăрлач-пуш уйăхĕсенче парăма кĕнĕ. Ĕçлев саккунĕсене пăхăнманшăн "Родник" агрофирма" ОООн ертỹçи В.П.Скворцов тĕлĕшĕпе район прокуратури маларах та (2009 çулхи юпа уйăхĕн 13-мĕшĕнче) Раççей Федерацийĕн Административлă право кодексĕн 5.27 статйин 1 пайĕпе ĕç пуçарнăччĕ, 2009 çулхи юпа уйăхĕн 27-мĕшĕнче 1500 тенкĕ штраф тỹлеттернĕччĕ. Хальхинче В.П.Скворцов тĕлĕшĕпе Раççей Федерацийĕн Административлă право кодексĕн 5.27 статйин 2 пайĕпе ĕç пуçарнă. Елчĕк районĕн 1-мĕш номерлĕ миравай суд участокĕн судйин 2010 çулхи ака уйăхĕн 21-мĕшĕнчи йышăнăвĕпе килĕшỹллĕн хуçалăх ертỹçине административлă майпа айăпласа 1 çулталăклăха дисквалификациленĕ (айăпа кĕнĕ çынна çав ĕçе юрăхсăр тесе йышăнни).