Публикации » Финалта вăй виçнĕ

05 мая 2010 г.

Çăмăл атлетика енĕпе 1993-1994 тата 1995-1996 çулсенче çуралнă çамрăксем хушшинче Чăваш Республикин кубокне çĕнсе илессишĕн ăмăрту икĕ тапхăрпа иртнĕ. Республикăн кăнтăр енчи 6 районĕнчи çамрăксем чи вăйлисене малтан Патăрьелĕнче палăртнă. Унăн çĕнтерỹçисем финалта Шупашкарти Олимп стадионĕнче вăй виçнĕ. Пирĕн районтан кайнă 16 çамрăк хутшăннă унта. 1993-1994 çулсенче çуралнă каччăсемпе хĕрсен ушкăнĕнче Лаш Таяпа шкулĕнче вĕренекен Е.Львова 1000 метра чи малтан чупса тухнă. Н.Николаев (Елчĕк) каччăсем хушшинче çак дистанцире виççĕмĕш вырăн йышăннă. 1995-1996 çулсенче çу-ралнă çамрăксен ушкăнĕнче О.Николаева (Патреккел) 1000 метра чупса финиша пĕрремĕш çитнĕ, М.Скворцова (Кĕçĕн Таяпа) виççĕмĕш вырăн йышăннă. Çак шкултах вĕренекен А.Изосимов мечĕк ывăтассипе виççĕмĕш вырăна тухнă. Пирĕн командăри ытти çамрăксем те япăх мар ăмăртнă.