Публикации » Курнавăшсем палăрнă

30 апреля 2010 г.

 Акăлчан чĕлхипе ирттернĕ Пĕтĕм Раççейри çамрăксен чемпионатне пирĕн районти шкул ачисем те йышлăн хутшăннă. Курнавăшри пĕтĕмĕшле пĕлỹ паракан вăтам шкулти вĕренекенсем унта пысăк кăтартусемпе палăрнă. Руслан Мартышкин (5 кл.) регионта виççĕмĕш вырăн йышăннă. Ăна дипломпа тата хаклă парнепе чысланă. Денис Светопольский (11кл.) районти ачасенчен пĕрремĕш, Валентина Светопольскаяпа (9кл.) Татьяна Смирнова (11кл.) виççĕмĕш вырăнсене тухма пултарнă. Вĕсем те дипломсене, хаклă парнесене тивĕçнĕ. Вĕренекенсене Раççейри чемпионата хатĕрленме пулăшнă акăлчан чĕлхине вĕрентекене Е.Светопольскаяна та диплом парса чыс тунă.