Публикации » Йĕркене пурин те пăхăнмалла

21 апреля 2010 г.

РФ УПК 144-145 статйисенче палăртнă йĕркесене тĕпе хурса Раççей Федерацийĕн Прокуратури çумĕнчи следстви комитечĕн Чăваш Енри следстви управленийĕн Патăрьелĕнчи следстви пайĕн ĕçченĕсем çак кунсенче ĕç çыннисенчен килнĕ 16 çыру тăрăх предприятисемпе организацисен ертỹçисем ĕç сыхлавĕн саккунĕсене мĕнле пăхăннине тĕрĕсленĕ. Тĕрĕслев вăхăтĕнче ĕç сыхлавĕн саккунĕсене сĕмсĕррĕн пăснă 3 тĕслĕхпе РФ УК 143 статйипе уголовлă ĕç пуçарнă. Йĕркене пăхăнман ертỹçĕсене тивĕçлипе айăпланă. Вĕсен айăпне пула ĕçлекенсем йывăр сурансем илнĕ. Ỹт-пỹ суранĕсем йывăрах пулманран тата техника хăрушсăрлăх правилисене ĕç çыннисем хăйсем пăхăнманран ытти тĕслĕхсенче уголовлă ĕç пуçарман.