10 апреля 2010 г.
Пуш уйăхĕн юлашки кунĕсенче Етĕрне хулинче 23 çултан иртмен спортсменсем йывăр атлетикăпа республикăри ăмăртăва хутшăнчĕç. Район командинче 17 çултан аслă спортсмен тупăнмарĕ. Пурте шкул ачисем. Çапах та сакăр командăна хыçа хăварса Елчĕк пăхаттирĕсем пĕрремĕш приза çĕнсе илме пултарчĕç. Уйрăм виçесенче В.Викторов, П.Аверьянов, А.Шляпин, А.Иноходов тата Е.Ертмакова ылтăн медальсене мăйсене çакса ячĕç. Иккĕмĕшпе виççĕмĕш вырăнсене В.Новиков, П.Чермаков, А.Викторов, Э.Миронов, С.Прохоров тата Л.Иноходовăпа М.Портнова йышăнчĕç. Командăна Елчĕкри А.В.Игнатьев ячĕллĕ ачасемпе çамрăксен спорт шкулĕн тренерĕсем А.Убасевпа Н.Молоствов хатĕрленĕ.