Публикации » Математика олимпиадинче палăрнă

07 апреля 2010 г.

 Пĕтĕм Раççей шайĕнчи "Авангард" математикăпа физика шкулĕ 2009 çулхи кĕркунне регионсем хушшинче математикăпа физика предмечĕсен олимпиадине йĕркеленĕччĕ. Унта Раççейĕн 80 регионĕнчи 5200 ача хутшăннă. Çак кунсенче олимпиадăна пĕтĕмлетсе çĕнтерỹçĕсене палăртнă. Асăннă олимпиадăра Аслă Елчĕк шкулĕнче 6-мĕш класра вĕренекен Александр Обручковпа Александр Егоркин (вĕрентекенĕ В.Л.Бобин) математика предмечĕн олимпиадинче çĕнтерỹçĕсен йышне кĕнине палăртма кăмăллă. "Авангард" шкул вĕрентекенсене дипломпа тата премипе (çак хушма тỹлевпе куçăмсăр майпа вĕреннĕ чух усă курма пулать) чысланă.