Публикации » Право уйăхлăхне хутшăнтăмăр

27 марта 2010 г.

 Район шайĕнче иртнĕ "Милици тата ачасем" право уйăхлăхне хутшăнса Çирĕклĕ Шăхаль шкулĕнче тĕрлĕ ĕçсем йĕркелерĕç. Вĕренекенсен право пĕлĕвне ỹстерес, киревсĕр йăласемпе туслашасран асăрхаттарас, сывă пурнăç йĕркине тытса пыма хăнăхтарас тĕллевпе кашни класрах тĕрлĕ темăпа класс сехечĕсем иртрĕç. Шкул ачисене çул-йĕр правилисемпе паллаштарссине те тĕп вырăна хучĕç вĕрентекенсем. Çак кунсенче вĕренекенсем директорăн воспитани енĕпе ĕçлекен çумĕ Г.Чернова тата Р.Коновалова социаллă педагог йĕркеленĕ "Милицин çамрăк тусĕсем", "Инкек ан пултăр" занятисенче çул-йĕр правилисене мĕнле пĕлнине кăтартса пачĕç.