Публикации » Консультаци пункчĕ пулăшать

27 марта 2010 г.

 Федерацин "Раççей юрисчĕсен пĕрлешĕвĕн" Чăваш Енри регион уйрăмĕн тата Чăваш Республикин Наци библиотекин пуçарăвĕпе пĕлтĕрхи юпа уйăхĕн 1-мĕшĕнчен пуçласа районти тĕп библиотекăра (республикипе пурĕ 23 муниципаллă библиотекăра) "Раççей юрисчĕсен пĕрлешĕвĕ" уйрăмăн халăха право пĕлĕвĕпе пулăшăвĕ паракан консультаци пункчĕсем ĕçлеççĕ. Çавна май кашни уйăхăн кĕçнерни кунĕнче халăхăн социаллă хỹтлĕхсĕр сийĕ унта 15 сехетрен пуçласа 17 сехетчен правăпа çыхăннă тĕрлĕ ыйту çине тỹлевсĕр хуравсем илме пултарать. Район прокурорĕн пулăшуçи И.Романов пуш уйăхĕнче йĕркеленĕ тĕл пулăва 25 çын хутшăннă. Чи малтанах вĕсем вулавăш ĕçченĕсем хатĕрленĕ "Прокурор тĕрĕслевĕ" кĕнекесен куравĕпе, "Гарант" тата "Консультант Плюс" дисксен презентацийĕпе паллашнă. Пухăннисемпе лекци ирттернĕ хыççăн Игорь Владимирович 3 çынна уйрăм консультаци пулăшăвĕпе тивĕçтернĕ.