Публикации » Медальпе, парнесемпе

27 марта 2010 г.

Кушкăри пĕтĕмĕшле пĕлỹ паракан вăтам шкулта вĕренекенсем тĕрлĕрен конференцисене активлă хутшăнаççĕ. Кунта вĕренекенсем технологи урокне ытларах кăмăллани те сисĕнет. С.Голубева вĕрентекен ал ĕçĕсене интереслĕ те пĕлсе ертсе пырать. Кашни çулах унăн вĕренекенĕсем районти, республикăри конкурссене хутшăнаççĕ. Хальхинче Екатерина Гордеевăпа Ольга Голубева республикăри наукăпа практика конференцине хутшăнчĕç. Вĕсем "Прикладное искусство" тата "Мода и школа" секцисенче хăйсен ĕçĕсемпе паллаштарчĕç. Жюри вĕсен ĕçĕсене пысăка хурса хакларĕ. Пĕрремĕш вырăнсене йышăннă хĕр ачасем тĕп хуларан хаклă парнесемпе, медальсемпе таврăнчĕç.