Публикации » Ачасен куçĕпе

20 марта 2010 г.

 Кăçалхи юпа уйăхĕн 14-25-мĕшĕсенче пулса иртекен Пĕтĕм Раççейри халăх çыравне çỹллĕ шайра ирттерес тĕллевпе Елчĕкри искусство шкулĕнче вĕренекен ачасем хушшинче ỹкерчĕксен конкурсне йĕркеленĕ. Унта Р. Парферьева ертсе пыракан художествăпа графика класĕнче вĕренекенсем уйрăмах хастар хутшăннă. Конкурса çырав темипе çыхăннă 15 ỹкерчĕк тăратнă, вĕсенчен чи лайăххисене палăртнă.14 çулхи Настя Шаурбинăн ĕçне пĕрремĕш вырăна хурса хакланă. Даша Спиридонова (8 çулта) _ иккĕмĕш, Максим Яковлев (7 çулта) виççĕмĕш вырăнсене йышăннă. Çĕнтерỹçĕсем парнесене тивĕçнĕ.