Публикации » Чăн-чăн уяв

13 марта 2010 г.

Лаш Таяпа çыннисем, праçник кунĕ çил-тăманлă пулнине пăхмасăр, ялти клуба утрĕç. Кăмăл нихçанхинчен савăк. Чи малтанах ялти хĕрарăмсемпе хĕрсем волейбол турнирĕнче вăй виçрĕç. Çамрăксем 2:1 шутпа çĕнтерчĕç. Унтан ялти библиотека çумĕнчи "Пỹрнеске" клуба çỹрекенсем концерт лартса пачĕç. "Мехел" фольклор, "Сударушки" ушкăнĕсем шăрантарнă чăваш, вырăс халăх юррисене куракансем тăвăллăн алă çупса йышăнчĕç. "Çĕнĕ чăваш асламăшĕсем" _ Л.Власовăпа Т.Лявина _ ăша тытсах култарчĕç. З.Князева юрлани те килĕшрĕ. Амăшĕсемшĕн Юхма Мишши юмахĕсем тăрăх лартнă пьеса чăн-чăн пысăк парне пулчĕ. Сăнарсене артистсем пек уçса пачĕç Ксения тата Олеся Тунгуловасем, Марианнăпа Лилия Ивановасем, Иванпа Лолита Кузьминсем.