Публикации » Мускавра урок панă

13 марта 2010 г.

Çĕнĕ Пăвари пĕтĕмĕшле пĕлỹ паракан вăтам шкулти Олимпиада Васильевна Викентьева педагогсен ăсталăхне ỹстерес тĕлĕшпе иртекен Пĕтĕм Раççейри "Манăн чи лайăх урок" конкурса хутшăннăччĕ. Мускавран ырă хыпар килчĕ. Вăл финала тухнă, ăна тĕп хуламăра чĕнеççĕ. Иртнĕ кунсенче ĕçтешĕмĕр Мускавра пулчĕ, хăйĕн ĕçĕпе ыттисене паллаштарчĕ. Лайăх урок ирттернĕшĕн Олимпиада Васильевна Хисеп грамотине тивĕçнĕ. Тĕп хуламăрти ăсчахсен лекцийĕсене итлени, унти шкулсенчи çĕнĕлĕхсемпе паллашни хастар вĕрентекенĕн асĕнчен часах тухас çук. Калас пулать, Чăваш Енрен вăл çеç çак пысăк чыса тивĕçрĕ. Çавăн пекех пĕлтĕр Раççей Президенчĕн 100 пин тенкĕлĕх грантне çĕнсе илнĕ педагог тĕрлĕ курссенче тавра курăмне анлăлатрĕ. Конкурс пуçаруçисем йĕркеленĕ экскурсисемпе кану каçĕсем биологи, географи тата информатика предмечĕсене вĕрентекенĕн ĕçлес кăмăлне тата çĕклесси куç кĕрет.