Публикации » Çичĕ çула - "кирпĕч шутлама"

10 марта 2010 г.

 Кăçалхи нарăс уйăхĕн 13-мĕшĕнчи номерте пичетленнĕ "Елчĕк ен" хаçатри "Эрех тискерлетет" статьяра эпир Элекçей Тимеш ялĕнче пулса иртнĕ тискер ĕç пирки çырса пĕлтернĕччĕ. Кĕскен çеç аса илтерер. А.В.Годунов гражданла мăшăрланура тăнă мăшăрне Н.Ю.Черновăна кĕлеткен тĕрлĕ вырăнĕнчен çапса тата тапса хĕнесе пĕтернĕ. Йывăр суранланнă хĕрарăм хĕненĕ вырăнтах вилсе кайнă. А.Годунов Тутарстан Республикинчи Çĕпрел ялĕнче çуралса ỹснĕ, Пăва районĕнчи пĕр ялта пропискăра тăнă. Район сучĕ çак уголовлă ĕçе пăхса тухнă. Суд йышăнăвĕпе килĕшỹллĕн А.Годунова РФ УК 111 статйин 4 пайĕпе айăпланă, 7 çула çирĕп режимлă колоние яма йышăну кăларнă.