06 марта 2010 г.
Раççей Федерацийĕн 2008 çулхи раштавăн 26-мĕшĕнчи "Патшалăх тата муниципалитет тĕрĕслевĕсене ирттернĕ чух уйрăм предпринимательсен, предприятисемпе организацисен ирĕкĕсене хỹтĕлесси çинчен" 294-мĕш номерлĕ саккунне пăхăнса хатĕрленĕ планпа килĕшỹллĕн тĕрлĕ предприятисемпе организацисенче пуш уйăхĕнче те тĕрĕслевсем иртеççĕ. Чăваш Республикинчи пушар тĕрĕслевĕн Елчĕк районĕнчи уйрăмĕ вырăна тухса пуш уйăхĕн 9-10-мĕшĕсенче Елчĕкри "Надежда" (Л.Г.Воронова), пуш уйăхĕн 11-12-мĕшĕсенче "Натали" (Н.И.Малова), 15-17-мĕшĕсенче "Эконом" (В.Н.Иванова), Аслă Елчĕкри "Елена" (Е.В.Чернова) лавккасене, 22-25-мĕшĕсенче Елчĕкри "Мелодия" суту-илỹ павильонне (С.П.Соколов) тĕрĕслĕ. Чăваш Республикин патшалăх ветеринари службин выльăх-чĕрлĕх чирĕсемпе кĕрешекен Елчĕкри ветеринари станцийĕ пуш уйăхĕн 17-мĕшĕнче "Урожай" ОООра, Федерацин Потребительсен прависене тата çынсен ăнăçуллă пурнăçне хỹтĕлес ĕçе асăрхакан службăн Чăваш Енри управленийĕн Патăрьелĕнчи уйрăмĕ пуш уйăхĕн 9-мĕшĕнче "Прогресс" ЗАОра (12 ĕç кунĕ), Федерацин миграци службин Чăваш Енри управленийĕн Елчĕк район территорийĕнчи подразделенийĕ пуш уйăхĕн 10-мĕшĕнче Аслă Елчĕкри Р.А.Афанасьева уйрăм предприниматель тĕлĕшĕпе, пуш уйăхĕн 24-мĕшĕнче "Марс" ЯХПКра, Елчĕк районĕн патшалăх техника тĕрĕслевĕн инспекцийĕ пуш уйăхĕн 18-мĕшĕнче Яманчỹрелти "Юрий Николаевич Ильин" ХФХра тĕрĕслевсем ирттерĕç.