Публикации » Вăхăтлăх ĕçе вырнаçтараççĕ

03 марта 2010 г.

Халăха ĕçпе тивĕçтерекен районти центрта кунта шутра тăракан ĕçсĕр çынсене ĕçпе тивĕçтерес тĕлĕшпе вакансисен ярмăрккине ирттернĕ. Тĕл пулура предприятисемпе организацисен ертỹçисем çынсемпе куçа-куçăн тĕл пулса калаçнă, чылайăшне вăхăтлăх ĕçе вырнаçтарма май килнĕ. Сăн ỹкерчĕкре: Чăвашстатăн районти уйрăмĕн ертсе пыракан специалист-эксперчĕ Л.Горшкова, халăха ĕçпе тивĕçтерекен районти центрăн директорĕ М.Васильева тата А.Дубинова ертсе пыракан специалист Лаш Таяпара пурăнакан С.Ильинапа тĕл пулнă. Пĕрле ларса тĕплĕн канашланă хыççăн Л.Горшкова С.Ильинана кăçалхи юпа уйăхĕн 14-25-мĕшĕсенче иртекен Пĕтĕм Раççейри халăх çыравĕн ĕçне хутшăнтарма хирĕç пулманнине пĕлтернĕ. Çитес вăхăтрах çамрăк хĕрарăма Чăвашстатăн районти уйрăмне вăхăтлăх ĕçе илеççĕ.