Публикации » Хĕрлĕ Çăлтăр орден кавалерне манмаççĕ

27 февраля 2010 г.

 Çĕршыв хỹтĕлевçин кунĕнче Кивĕ Эйпеçре Хĕрлĕ Çăлтăр орден кавалерне Ю.Григорьев воин-интернационалиста асăнса мини-футбол енĕпе районти турнира улттăмĕш хут йĕркеленĕ. Кăçал унта çĕршыв умĕнче çар тивĕçне пурнăçланă П.Сусметова, А.Васильева, А.Антонова юбилей медалĕсемпе чысланă. Çамрăксене патриотла воспитани парассинче пысăк тỹпе хывнă Л.Григорьев уйрăм предприниматель "За верность долгу и Отечеству" медале тивĕçнĕ. Ю.Григорьев воин-интернационалист вил тăпри çине чечек кăшăлĕ хунă хыççăн вăйăсем пуçланнă. Куçса çỹрекен кубокшăн 11 команда кĕрешĕве тухнă. Финалта Кавал çамрăкĕсен "Олимп" команди (ертỹçи Ю.Алексеев) тата Кушкă шкулĕнчи футболистсем тĕл пулнă. Пенальтипе "Олимпиецсем" 4:2 шутпа çĕнтернĕ. Пĕлтĕрхи çĕнтерỹçĕсем _ Елчĕк шкулĕн команди виççĕмĕш вырăн йышăннă.