Публикации » Елчĕксем - виççĕмĕш

20 февраля 2010 г.

Чăваш Республикин Президенчĕн кубокĕшĕн шкул ачисен XII Спартакиадине спортăн тĕрлĕ тĕсĕсене кĕртнĕ. Вĕсенчен пĕри _ "Ылтăн шайба" клубăн призĕсемшĕн кĕрешни. Аслă ушкăнри çамрăк хоккеистсем финалта тĕл пулнă. Зонăри ăмăртусенче 1-2-мĕш вырăнсене тухнă Елчĕк, Шупашкар, Йĕпреç, Патăрьел районĕсенчи командăсем кубока çĕнсе илессишĕн тупăшнă. Пĕрремĕш вăйăра Йĕпреçпе Елчĕк районĕсен командисем тĕл пулнă. Кунта Йĕпреçри хоккей шкулĕн воспитанникĕсем 1:0 шутпа çĕнтернĕ. Шупашкар тата Патăрьел районĕсен командисен тĕл пулăвĕсенче Шупашкарсем 3:1 шутпа выляса илнĕ. Виççĕмĕш вырăншăн пынă кĕрешỹре иртнĕ вĕренỹ çулĕнче Спартакиадăн кубокне çĕнсе илнĕ Елчĕк районĕн команди Патăрьелсене 3:1 шутпа парăнтарнă. Спартакиадăн çĕнтерỹçисем _ Йĕпреçсем. Вĕсем Шупашкар районĕн командине 3:1 шутпа çĕнтерсе Спартакиадăн кубокне алла илнĕ.