Публикации » Ăста юрăçа чысланă

10 февраля 2010 г.

 Яманчỹрелĕнчи культура çурчĕ çумĕнчи "Эткер" ансамблĕн бенефисне халăх йышлă пухăннă. Куракансем ял артисчĕсем хамăр тăрăхри чăваш халăх юррисене, хальхи юрăсене юрланине кăмăллăн пăхса ларнă. Ушкăна çỹрекенсенчен чи ватти _ Акулина Ермолаева. Шăпчăк саслă юрă ăсти 80 çул тултарнă май ăна культура ĕçченĕсем, ял çыннисем ăшшăн саламланă. Çулсене пăхмасăр пултарулăх ушкăнне хутшăннăшăн культработниксем Акулина Иринарховнăна тав тунă, парнепе чысланă. Ватă хăйне тимлĕх уйăрнăшăн хĕпĕртенĕ, вăрçă çинчен сăвă вуласа панă.