Публикации » Çурт-йĕр çавăрнă, хваттер туяннă

03 февраля 2010 г.

Яллă вырăнсенче пурăнакан çамрăк çемьесене çурт-йĕрпе тивĕçтересси çине патшалăх çулсеренех пысăк тимлĕх уйăрнăран районти чылай çемье çурт-йĕр условийĕсене лайăхлатма пултарчĕ. Вĕсенчен хăшĕ-пĕри хваттерсем туянчĕç. Теприсем вара кермен евĕр çурт-йĕр çĕклерĕç. 2009 çулта Аслă Пăла Тимеш ял тăрăхĕнче тĕрлĕ программăпа усă курса пурĕ 7 çемье çурт-йĕр условине лайăхлатнă. Чăваш Республикин "Пурăнмалли çурт-йĕр хутшăнăвĕсене йĕркелесси çинчен" саккунĕпе килĕшỹллĕн ашшĕ-амăшĕн хỹттисĕр юлнă ачасене _ Сăрьелĕнчи Р.Галимовăпа Исемпел ялĕнчи А.Кротова хваттерпе тивĕçтернĕ. Чăваш Республикин "Ялăн социаллă аталанăвĕ" программăпа Сăрьелĕнчи Х.Самигуллин тата Кавалти В.Изратов çемйисем, Раççей Федерацийĕн "Çурт-йĕр" программин "Çамрăк çемьесене çурт-йĕрпе тивĕçтересси" çумпрограммипе Исемпелти Ю.Иванов, Кушкăри П.Хмелев, Кивĕ Арланкассинчи Н.Миронова усă курнă. В.РЫБКИНА, Аслă Пăла Тимеш ял тăрăхĕн специалисчĕ.