Публикации » Ял тепĕр магазинпа пуянланнă

03 февраля 2010 г.

Аслă Пăла Тимеш ялĕ _ районта чи пысăккисенчен пĕри. Анчах халиччен кунта халăха суту-илỹ таварĕсемпе пĕртен-пĕр "Елена" магазин çеç тивĕçтернĕ. Çакна шута илсе тата ял çыннисем ыйтнине тивĕçтерсе Ю.Иванов предприниматель суту-илỹ çурчĕ туса лартнă. Ăна кăрлач уйăхĕн 28-мĕшĕнче савăнăçлă лару-тăрура уçнă. Район пуçлăхĕн çумĕ _ вĕрентỹ тата çамрăксен политикин пайĕн ертỹçи Л.Левый, райадминистрацин финанс пайĕн ертỹçи Г.Анисимова, Аслă Пăла Тимеш ял тăрăхĕн пуçлăхĕ В.Рыбкин йышлă пуçтарăннă халăха, предпринимателе çĕнĕ магазин уçнă ятпа саламланă, ял çыннисене хуçалăхра кирлĕ таварсем туянма ырă суннă.