Публикации » Елчĕксем малта

03 февраля 2010 г.

Шăмат кунпа вырсарни кун пĕтĕмĕшле пĕлỹ паракан шкулсенче вĕренекенсем хушшинче "Ылтăн шайба" клуб парнисене çĕнсе илессишĕн вăйăсем Патреккелти хоккей площадкинче иртнĕ. Кăрлачăн 30-мĕшĕнче 1994-1995 çулсенче çуралнă çамрăксем _ Елчĕк, Аслă Елчĕк, Лаш Таяпа, Патреккел, Тĕмер шкулĕсен командисем вылянă. Вăйăсем çивĕч, интереслĕ иртнĕ. Пĕрремĕш вырăна Елчĕк шкулĕнчи çамрăк хоккеистсем йышăннă. Иккĕмĕшпе виççĕмĕш вырăнсене Аслă Елчĕк тата Тĕмер шкулĕсен командисем пайланă. Аслă ушкăнра Елчĕкри тата Лаш Таяпари пĕтĕмĕшле пĕлỹ паракан вăтам шкулта вĕренекенсем (1992-1993 ç.ç.) тĕл пулнă. Елчĕксем çĕнтернĕ. Лаш Таяпари хоккей команди те ăнăçлă вылянă.