03 февраля 2010 г.
Юн парасси _ хисеплĕ те сăваплă ĕç. Хамăр юна парса йывăр чирлĕ çынсене çăлса хăварни питĕ пархатарлă. Иртнĕ эрнере Аслă Таяпари пĕтĕмĕшле практика врачĕн уйрăмне Канашри юн илекен станци ĕçченĕсем килчĕç. Аслă Таяпасем çеç мар, Кĕçĕн Таяпа, Каркалар, Шуршу, Чăваш Тăрăм ялĕнче пурăнакансем те ырă ĕçрен пăрăнса юлман. 60 çын юн пачĕ çак кун. Н.Солодовникова, В.Солодовников, Т.Барская, Л.Николаева, Л.Муллина, И.Кошкина, В.Ласточкина кашни çулах ырă ĕçе хутшăнаççĕ. Донорсен йышне çамрăксем тăни савăнтарать. Раççей çарĕн ретĕнчен килнĕ Д.Сапожников сăваплă ĕçе кăмăлтан хутшăнчĕ. Сергейпе Юрий Викторовсем те хăйсен юнĕ чирлисемшĕн усă пуласса шанаççĕ.