Публикации » Пĕр эрнере çичĕ призер

03 февраля 2010 г.

 Иртнĕ эрне пирĕн районти вĕренекенсемшĕн _ шкул ачисен Пĕтĕм Раççей шайĕнчи олимпиадин республикăри тапхăрĕнчи участникĕсемшĕн _ тухăçлă пулнă. Кăрлачăн 25-31-мĕшĕсенче 7 олимпиада иртнĕ, вĕсенче районăн 7 вĕренекенĕ призерсен йышне кĕнĕ. Экологи предмечĕпе иртнĕ олимпиадăра Лаш Таяпа шкулĕнче 10-мĕш класра вĕренекен Алексей Павлов (ертỹçи И.Павлова), Çирĕклĕ Шăхаль шкулĕнче 11-мĕш класра вĕренекен Наталья Ефимова (Н.Карчикова) виççĕмĕш, право предмечĕпе Елчĕк шкулĕнче 10-мĕш класра вĕренекен Анастасия Чуманова _ пĕрремĕш, Кристина Морозова (В.Николаев) виççĕмĕш вырăнсене йышăннă. Технологи предмечĕпе йĕркеленнĕ олимпиадăра Елчĕк шкулĕнчи 11-мĕш класри Михаил Барановпа (С.Долгов) Кушкă шкулĕнчи 11-мĕш класри Светлана Голубева _ виççĕмĕш, Кушкă шкулĕнчи 10-мĕш класри Екатерина Гордеева (С.Голубева) иккĕмĕш вырăнсене çĕнсе илнĕ.