Публикации » Республикăра палăраççĕ

30 января 2010 г.

 Кăрлач уйăхĕн 11-мĕшĕнчен пуçласа нарăс уйăхĕн 1-мĕшĕччен 8-11 классем хушшинче 20 предметпа, 2-4 классем хушшинче ăс-хакăл вăййисемпе Пĕтĕм Раççейри олимпиадăсен республикăри тапхăрĕ пырать. Пирĕн районти шкул ачисем те çак олимпиадăсенче начар мар кăтартусем тăваççĕ. Хальхи вăхăтра Кушкă шкулĕнчи А.Портнов нимĕç чĕлхипе иккĕмĕш (руководителĕ Г.Елисеева), В.Андреев ячĕллĕ Лаш Таяпа шкулĕнчи А.Павлов биологипе иккĕмĕш (руководителĕ И.Павлова) тухни паллă. Çирĕклĕ Шăхаль шкулĕнчи Л.Юркова ОБЖпа, Кушкă шкулĕнчи С.Зайцева вырăс литературипе тăваттăмĕш вырăн йышăнма пултарнă.