Публикации » Диплома, Тав çырăвне тивĕçнĕ

30 января 2010 г.

 Раççей Перекет банкĕн Чăваш Республикинчи Перекет банкĕ массăллă информаци хатĕрĕсенче Перекет банкĕн ĕçĕ-хĕлне çутатассипе кашни çулах конкурс йĕркелет. Пирĕн хаçат пĕлтĕр унта пуçласа хутшăнчĕ. Конкурса "Елчĕк ен" хаçатăн яваплă секретарĕн А.Карлинăн материалĕсене тăратнă. Çак кунсенче конкурс итогĕсене пĕтĕмлетнĕ. А.Карлин "Чи лайăх автор" номинацире çĕнтернĕ. Ăна Перекет банкĕн Хисеп грамотипе чысланă, укçан преми панă. "Елчĕк ен" хаçат тата унăн авторĕсем çулсеренех тĕрлĕ конкурссене хутшăнаççĕ. Пĕлтĕрхи ĕç кăтартăвĕсемпе кăçал редакци коллективĕ ЧР Шалти ĕçсен министерствин Дипломĕпе парнине, Раççей Пенси фончĕн Чăваш Республикинчи управленийĕн Тав çырăвне илме тивĕç пулчĕ. Республикăри ытти хăш-пĕр конкурссенче те мала тухас шанчăк пур. Вĕсем пĕрремĕш квартал вĕçлениччен паллă пулаççĕ.