Публикации » "Елчĕк ен" конкурсра çĕнтернĕ

30 января 2010 г.

 Нумаях пулмасть Чăваш Республикин Культура, национальноçсен ĕçĕсен, информаци политикин тата архив ĕçĕн министерстви республикăри массăллă информаци хатĕрĕсем хушшинче социаллă пĕлтерĕшлĕ проектсен конкурсĕн итогĕсене пĕтĕмлетнĕ. Пичет изданийĕсен иккĕмĕш ушкăнне кĕрекен хаçатсемпе журналсен конкурсĕнче "Елчĕк ен" хаçатăн "Пурнăç пĕрре килет" проекчĕ çĕнтернĕ, 200 пин тенкĕлĕх гранта тивĕçнĕ. Конкурс условийĕсемпе килĕшỹллĕн "Елчĕк ен" кăçал кашни уйăхра икĕ страницăран тăракан "Пурнăç пĕрре килет" кăларăм кăларса тăрĕ. Унта сывă пурнăç йĕркине тытса пыракан, ĕмĕрне тивĕçлипе пурăнса ирттерекен çемьесемпе çынсем çинчен çырса кăтартăпăр, проектра палăртнă ытти темăсене хускатăпăр.